【一家便宜，三家著，害了下手!】第2180成交(市傳) 1750萬， 吹水吹過龍! 感覺3分。
新界葵涌青山公路葵涌段450 454號地下B舖，連入則閣，地舖面積800呎，入則閣600呎，合共1400呎，門闊約15呎，原業主叫價1700萬，成交1750萬 (唔明!)，回報2.4%，租約35000元至2021年2月，租客新龍騰閣燒臘店。
原業主於2013年8月(高峰期)用838萬買入。
今日你可能睇到【經濟日報】講這間葵涌的燒臘舖成交了1750萬。無可能咁貴! 以我所知，市場一直傾緊約千三/千四萬 ，無可能1750萬 sold!
我睇番最近的成交，好多時經紀 (or whoever it is) 鍾意吹大數。例如: 昨日尖沙咀樂道龍城藥坊，真實成交是2950萬，市場吹水就是3200萬。 石門燒鵝店，真實成交4900萬，市場吹水就是5950萬。
仲有好多好多單，十單成交，9單吹大數，離曬譜。??
為何要吹大數?
(1) 畀買家感覺市場旺了， 令他們願意追價入市。
(2) 經紀可以同你講，「一早叫你買啦，現在成交了1750萬，報紙都睇到!」 大部分買家唔會得閒幾星期後睇返土地註冊處的成交， 如果公司股份轉讓的話，更加認證唔到。 如果我不是證監會持牌，我必定作大昨日皇后大道中舖的售出價至3000多萬。 咁我其他持貨的物業可以賣得更貴，也吸引更多注意力投資我基金 ?? 我好奸 ??
(3) 買家往往都願意業主/經紀作大價錢，因為買賣双方都「威」啲，銀碼大啲! 蝕本好樣衰… you know! 日後放盤的時候，新業主更加容易甩手。報紙報導1750萬入，幾年後放售1750萬， 感覺平手離場，馬上「平」! 如果報紙報導1200萬人，幾年後放1750萬， 馬上感覺貴! 好多新手買家唔識得 check 田土廳。 股份轉讓的話更加只有上帝先知。
作大價錢，一家便宜，三家著 (經紀，買家，賣家都有着數)。 只是可能「害」了下一手接貨的買家或其他未入市的買家。大家注意，小心分析新聞。News search 信唔過!
我睇唔過眼坊間太多流料! 我是李根興
(最新消息 as of 12/1/2021, 未成交。)
