第2063(堅) 感覺7.5分，太安樓這間舖，just sold 約1000萬! 簡直是「搶」?!
這間舖位於太安樓地下A72號舖，向太安街，商場單邊入口位， 近麥當勞，建築面積250呎，實用約130呎，門闊向街約十呎，原業主叫價1180萬，成交了約1000萬。
原業主是老人家，前租客是寬記五金店，現吉。原業主 (Tser Yuk Ming) 1966年4月以4.4萬買入。 持貨至今， 希望業主繼續身體健康， 長命過百歲 ?? 持貨54年，升值226倍! 這間舖，我前兩天都睇過，馬上還價，但好快就賣了。
今早收到風，約1000萬。 我們是基金公司，萬事要 check真啲。我們 check 了港燈，這間舖電是單相60A。業主話舖內有來去水 (睇圖，我好 懷疑)。 因我們知道咁多年來，這間舖只是過五金/雜貨店，沒有做過飲食等行業， 因此我不能單信業主，要自己check真啲，才能決定買。
憑我經驗，好多老業主都唔知道自己間舖有乜嘢，講了亦都唔會負責任。經紀只會話「業主話 …. 」 買家心急的話，萬一「中招」，經紀好容易就卸膊? 因此你要搵個好經紀好重要。
如果我唔係做商舖基金這行，我都會空口講白話，話自己間鋪乜都有，吸引啲傻仔買家。 當然我唔係話這間舖的買家是傻仔， 我亦不是講這個老業主是咁嘅人，不要誤會我。這間是旺舖，極度罕有， 咁旺大單邊的舖，全香港都冇。
如果真的能夠有來去水的話，一千萬「抵」! 無，就唔值。 馬上打個七折! 但記住: 「來水」容易，「去水」難。 去水不能隨便駁去「雨水渠」，要駁去「污水渠」， 否則食環署/環保署，唔會給出牌。
電力方面，咁細間舖，單相60A OK 啦。零售以外，只要租客不是用電量大的行業 (例如北角雞蛋仔/串燒等)，或者加兩罐石油氣作為燃料(偷雞用?)，可能就可以解決電唔夠的問題。 當然如果能夠申請加電最好，但以我所知，太安樓的業主立案法團好複雜，你唔使旨意加到電。
假設這間舖有來去水，感覺7.5分位。無的話，就是4分。
李根興 Edwin ? 。。。。。。。。。。 【盛滙商舖基金】第4季講座 盛滙商舖基金專注投資香港商舖，讓客戶以較低資金購入基金參與商舖投資（低至港元300萬），相對於購入單一商舖動輒過千萬元，投資基金的客戶等同以較低門檻投資多間商舖，更可分散風險。 盛滙將於第4季舉辦數場基金講座，讓您深入了解商舖基金及舖市再起動時機。
第一輪時期：11月24日(二) 已滿/ 26日(四) 已滿
第二輪時期 : 12月1日(二) / 2日(三)
時間：1 – 2pm
地點：中環新世界大廈1座1502-3室 (本公司會議廳)
對象：按證監條例只適合持有八百萬港元以上流動資產(非物業)人士
註：疫情期間，每場只限六位。參加者須全程配戴口罩及保持1.5米社交距離。
報名方法： https://edwinlee.com.hk/%e8%ac%9b%e5%…
查詢： 2830 1111 (Suki/Monica) WhatsApp： 9218 5223
