【剛成交】第2050成交(堅)，約3000萬成交，感覺6分。觀塘康寧道44A舖， 喜記餐廳，建築面積850呎，闊約12呎，深約50呎。 相信係今朝市傳政府可能撤工商舖辣招後的第一單，叫3000，成3000 …. 唔講價? ⚡⚡⚡閃電成交約3000萬⚡⚡⚡業主証實 Sold. 這間觀塘康寧道44A舖， 喜記餐廳，建築面積850呎，闊約12呎，深約50呎。 原業主叫3000萬，剛成交約3000萬 (我估)。 租金75000，回報3％。 成交得好快! 我昨日先收到盤，我馬上落去睇，途中業主就已經話唔駛睇啦。 今早收到風，Sold! 市傳懷疑是 direct deal。 可能是有關係人任，業主唔肯講實價或邊個。 觀塘近裕民坊一帶無平舖， 雖然是斜路，康寧道這個算是旺位， 屬於斜路較低的位置，近物華街，算較佳位置。 原業主是2010年11月用2050萬買入。 2009年11月也成交過一次是1260萬。當時市好。 康寧道有好多食肆及財務公司，包括我家人的「康業信貸快遞」。他們在康寧道的生意算是最好， 人流多，消費力也強。 觀塘裕民坊一帶是市區重建局有史以來最大規模的重建，佔地57萬平方呎。隨著裕民坊的凱匯住宅/商場落成，人流及消費力必定進一步上升。 我在觀塘長大， 我爸爸以前在觀塘有好多間地產代理， 我行過康寧道相信幾千次。 以前這條街純品啲，近年康寧道品流變得比較複雜，好多「低胸短裙」女仕企在樓梯口， 引你上樓上「唔知做乜?」 (我無證實過，只係聽朋友講 … ) 品流太複雜的街道，好多投資者會卻步。 如果樓上全部是「一樓一鳳」的話，一般我都盡量避免買。 難甩手! 但始終這間舖的位置是旺位，觀塘好少平舖及有重建潛力。 成條康寧道，下一間最平都要近四千萬， 而且位置較上斜路，較差位，感覺這間舖算唔錯。6分位 ? 。。。。。。。 我剛開始成立個 Whatsapp Private Message Broadcast List (Not group) 。如你想知道多些最貼市的商舖資訊及我個人分析，可以whatsapp我 (+852) 90361143，我可加你入 《李根興「堅堅流流」商舖資訊》 private message list。?? 李根興 Edwin。
